Qarjy polıtsııasy «Qazaqstan Ǵarysh Sapary» ulttyq kompanııasynyń prezıdentine qatysty qylmystyq isterdiń tergeýin aıaqtady

Ol jalpy quny 12 mlrd. teńgeden asatyn Ǵarysh tehnıkasynyń arnaıy konstrýktorlyq-tehnologııalyq bıýrosyn qurastyrý-synaý kesheniniń qurylys jumystaryn satyp alý tenderinde jeńiske jetýge kómektesý úshin bas merdigerdiń ókilinen jalpy somasy 210 mln. teńge kóleminde para bopsalady degen aıyppen qamaýǵa alynǵan bolatyn.

Oǵan qosa 2013 jylǵy qazanda Myrzaqulovqa qatysty zańsyz jolmen tabylǵan aqshalaı qarajatty zańdastyrý faktisi boıynsha qylmystyq is qozǵaldy.

«Oǵan 2012 jylǵy tamyzdan 2013 jylǵy tamyz aralyǵynda aı saıyn aqshalaı para alyp, onyń 90 mln. teńge kólemindegi bir bóligin jaqyn týystary arqyly qozǵalmaıtyn múlik satyp alý jolymen zańdastyrdy degen aıyp taǵylýda»,- delingen taratylǵan málimette.

Іs materıaldary boıynsha Myrzaqulov óziniń jaqyn týystary arqyly qurylys kompanııasyna qymbat kottedj ben 2 páterdiń qurylysyna 77,1 mln. teńge aýdarǵan, sondaı-aq Almaty oblysynyń Kerqula aýdanynda 90 myń AQSh dollaryna jalpy kólemi 342 gektardy quraıtyn 7 jer ýchaskesin satyp alǵan.

Búgingi kúni aıyptalýshy men onyń qorǵaýshysyn is materıaldarymen tanystyrý júrgizilip jatyr.