Qarjy polıtsııasy «Kazakhgold group limited» aktsıonerlerine qatysty qylmystyq is qozǵady
ASTANA. Shildeniń 28-i. QazAqparat /Marlan Jıembaı/ - Elimizdiń Qarjy polıtsııasy «Kazakhgold group limited» aktsıonerlerine qatysty qylmystyq is qozǵady. Bul týraly QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı habarlady.
«Aǵymdaǵy jylǵy shildeniń 14-inde agenttik «Qazaqaltyn» aktsıonerlerine qatysty alaıaqtyq jolmen atalǵan kásiporynnyń Qanat Asaýbaev pen onyń uldary Aıdar men Baýyrjan Asaýbaevtarǵa tıesili somasy 187 mıllıon AQSh dollaryna baǵalanatyn baqylaýshy aktsııa toptamasyn ıelený faktisi boıynsha qylmystyq is qozǵady», dedi Qarjy polıtsııasynyń resmı ókili.
Atalǵan qylmystyq is boıynsha tergeý amaldary júrgizilip jatqanyn atap ótken ol «tergeý múddesine baılanysty basqa aqparattar berilmeıdi», dedi.
