Qarjy polıtsııasy kásiptik ortalyqtarǵa bólingen 8,3 mlrd. teńgeni tıimsiz paıdalaný faktisi boıynsha tergeý amaldaryn júrgizýde

ASTANA. QazAqparat - QR Ekonomıkalyq jáne sybaılas jemqorlyq qylmysqa qarsy kúres agenttigi Bilim jáne ǵylym mınıstrliginiń kásiptik ortalyqtar qurylysyna bólingen aqsha qarajattaryn tıimsiz paıdalaný faktisi boıynsha tekserý júrgizýde.

Bul týraly búgin Aqordada sybaılas jemqorlyqqa qarsy kúres máseleleri jónindegi komıssııanyń keńeıtilgen otyrysynda QR Bas prokýrory Ashat Daýylbaev málim etti.

«Qarjy polıtsııasy organdarymen Atyraý, Óskemen, Ekibastuz, Shymkent qalalarynda atalǵan ortalyqtardyń qurylysyna bólingen 11,4 mlrd. teńgeniń 8,3 mlrd. teńgesiniń tıimsiz paıdalaný faktisi boıynsha tergeýaldy tekserý sharalaryn júrgizýde. Atalǵan ortalyqtardyń tek Atyraýdaǵy nysany ǵana salynǵan», - dedi Bas prokýror.

Sonymen qatar A.Daýylbaevtyń atap ótýinshe, aǵymdaǵy jyly Almaty oblysynda sabaq kezinde ǵımarattaǵy temperatýra rejiminiń saqtalmaýy oryn alǵan.

«Anyqtalǵandaı, onyń sebebi - aýdandyq bilim basqarmalarynyń salǵyrttyǵy saldarynan biryńǵaı jetkizýshimen mektepterdi dızel otynymen qamtamasyz etý mindettemesi oryndalmaǵan. Atalǵan faktige baılanysty oblystyq prokýratýra Qylmystyq kodekstiń 307 baby boıynsha qylmystyq is qozǵady», - dedi ol.

Onyń sózine qaraǵanda, 320,6 mln. teńge somasyndaǵy dızel otynynyń jetkizilmeýine baılanysty bólingen qarjyny qaıtarý jónindegi talap aryz berilgen.