Qarjy polıtsııasy qarjy pıramıdalarymen kúresetin zań jobasyn ázirleýde

Bul týraly búgin Senattyń jalpy otyrysynda  depýtattar suraqtaryna jaýap bergen Ulttyq bank tóraǵasy Grıgorıı Marchenko málim etti.

Sóz arasynda UB tóraǵasy halyqtyń qarjylyq saýattylyǵyn arttyrýdyń mańyzdylyǵyn atap ótti.

«Ásirese, qarjy pıramıdalaryna qatysty taqyryp taǵy bastalyp keledi, óńirlerde bul problema merzim saıyn boı kórsetip jatyr. Sonymen qatar, «MMM» qyzmetine qatysty depýtattar da saýal joldaǵan bolatyn. Osyǵan qatysty Qarjy polıtsııasy qarjy pıramıdalarymen kúres boıynsha zań jobasyn ázirleý ústinde», - deıdi UB tóraǵasy Grıgorıı Marchenko.

Onyń aıtýynsha, atalǵan máselelerdiń basym bóligi negizinen jurtshylyqtyń qarjylyq saýattylyǵynan týyndaıdy. Sondyqtan da, Ulttyq bank te bul baǵyttaǵy máseleni jalǵastyratyn bolady.

«Jalpy búgingi basty mindetterdiń biri qarjy qyzmetterin tutynýshylardyń quqyn qorǵaý bolyp tabylady. Shyndyǵyna kelgende halyqtyń qarjylyq saýattylyǵyn arttyrý men qarjy qyzmetterin tutynýshylardyń quqyq qorǵaý máseleleri bir-birimen tyǵyz baılanysty. Sol úshin biz keshendi jumystardy jalǵastyratyn bolamyz», - deıdi G. Marchenko.