Qarjy polıtsııasy izdeýge jarııalanǵan Bergeı Rysqalıevtiń fotosyn «Nazar aýdaryńyz, izdeý salamyz!» aıdaryna shyǵardy
ATYRAÝ. 5 aqpan. QazAqparat - Qarjy polıtsııasynyń «Nazar aýdaryńyz, izdeý salamyz!» aıdarynda Atyraý oblysynyń burynǵy ákimi Bergeı Rysqalıevtiń fotosýreti ornalastyryldy.
Sýrettiń astyndaǵy mátinde: «Atyraý oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) QR QK-niń 176 baby, 3 bóliminiń «b,g» tarmaqshalarymen, 176 baby, 4 bóliminiń «b» tarmaqshasymen, 307 babynyń 4 bólimimen qarastyrylǵan qylmysty jasaǵany úshin izdeý salady:
RYSQALIEV Bergeı Sáýlebaıuly. Ol 21.01.1967 jyly Atyraý oblysynda dúnıege keldi (qylmystyq is № 12002305100001, 24.08.2012 jyl, izdeý isi № 13230005410001, 25.01.2013 jyl, bultartpaý sharasy - «qamaýǵa alý», izdeý túri - «memleketaralyq»).
Jeke basyn kýálandyratyn qujattar: 06.01.2012 jyly berilgen № 032750602 jeke kýálik, 08.04.2005 jyly berilgen № 4507171 tólqujat, QR ІІM-men berilgen. Ulty: qazaq, bilimi: joǵary.
Boıy 170-175 sm, ortasha deneli, shashy qysqa, býryl, murny tik, pushyq kelgen, ortasha, erni jińishke. Erekshe belgileri joq. Іzdeýdegi tulǵany tapqan nemese onyń júrýi múmkin orny týraly qandaı da bir aqparat bolǵan jaǵdaıda 060002, Qazaqstan Respýblıkasy, Atyraý qalasy, Temirhanov kóshesi, 2 úı, Ekonomıkalyq qylmysqa jáne sybaılas jemqorlyqqa qarsy kúres departamentine (qarjy polıtsııasy), baılanys telefondary: 8 (7122) 32-24-22 (izdeý toby), 32-24-21, 35-42-85 (kezekshilik bólim) arqyly habarlasýyńyzdy suraımyz», delinedi.
