Qarjy polıtsııasy: ıtalıandyq Eni kompanııasy Qashaǵandy ıgerý kelisimshartyn jasasýda para berdi degen aqparat tekserilýde
ASTANA. 17 mamyr. QazAqparat - Qarjy polıtsııasy ıtalıandyq Eni kompanııasy elimizdegi Qashaǵan munaıgaz ken ornyn ıgerý boıynsha kelisimshartty jasasý ýaqytynda iri kólemde para berdi degen aqparatty tekseredi.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıng barysynda resmı ókili Murat Jumanbaı málim etti.
«Qarjy polıtsııasynyń organdaryna atalǵan shetel memleketinen qandaı da bir aryz nemese júginý kelip túsken joq. Degenmen qarjy polıtsııasy óziniń quzireti aıasynda mundaı faktilerdiń barlyǵyn tekseredi», - dep atap ótti resmı ókil BAQ ókilderiniń saýalyna oraı.
Esterińizge sala keteıik, mamyr aıynyń basynda ıtalıandyq Sorriere della Sera gazeti Mılan prokýratýrasynyń atalǵan eldiń Eni energetıkalyq kompanııasy Qazaqstandaǵy Qashaǵan munaıgaz ken ornyn ıgerý boıynsha kelisimshartty jasasý ýaqytynda iri kólemde para berdi degen kúdik keltirip otyrǵandyǵy jaıynda aqparat taratqan bolatyn.
