Qarjy polıtsııasy elimizdiń Densaýlyq saqtaý mınıstrine qatysty qylmystyq is qozǵady
ASTANA. Qyrkúıektiń 25-i. QazAqparat /Marlan Jıembaı/ - QR Ekonomıkalyq jáne sybaılas jemqorlyqqa qarsy kúres agenttigi QR Densaýlyq saqtaý mınıstri Jaqsylyq Dosqalıevke qatysty qylmystyq is qozǵady. Bul týraly QazAqparat tilshisine Qarjy polıtsııasynyń resmı ókili Murat Jumanbaı málim etti.
«Aǵymdaǵy jylǵy qyrkúıektiń 21-inde agenttik laýazymdyq ókilettiligin asyra paıdalaý faktisi boıynsha Qazaqstan Respýblıkasynyń Densaýlyq saqtaý mınıstri J.Dosqalıevke qatysty qylmystyq is qozǵady», dedi resmı ókil.
Sonymen qatar onyń atap ótýinshe, is tergelý ústinde, tergeý múddesine oraı basqa aqparattar berilmeıdi.
