Qarjy polıtsııasy Bilim jáne ǵylym mınıstrligi sheneýnikterine qatysty taǵy 2 qylmystyq is qozǵady
ASTANA. QazAqparat - Aǵymdaǵy jyldyń 1-2 sáýir kúnderi 2012 jyly Qaraǵandy men Qyzylorda qalalarynda balalar men jasóspirimder qozǵalysyn damytý sharalaryn júrgizýge bólingen 17 mln. teńge somasyndaǵy bıýdjet qarajatyn talan-tarajǵa salý faktisi boıynsha QR Bilim jáne ǵylym mınıstrliginiń jaýapty tulǵalaryna qatysty taǵy 2 qylmys qozǵaldy. Bul týraly QR Ekonomıkalyq jáne sybaılas jemqorlyqqa qarsy kúres agenttiginiń baspasóz qyzmetinen habarlady.
Esterińizge sala keteıik, Astana qalasynyń qarjy polıtsııasy departamenti Shyǵys Qazaqstan, Almaty oblystaryna jáne Almaty, Aqtóbe, Atyraý, Taldyqorǵan, Shymkent qalalaryna balalar men jasóspirimder qozǵalysyn damytýǵa bólingen 59 mln. teńgeni urlaý faktisi boıynsha QR Bilim jáne ǵylym mınıstrliginiń jaýapty tulǵalaryna qatysty qylmystyq isti tergeýdi jalǵastyrýda.
Osylaısha, atalǵan qylmystar saldarynan QR Bilim jáne ǵylym mınıstrligine keltirilgen shyǵyndardyń jalpy kólemi shamamen 76 mln. teńgeni qurap otyr.
Qylmystyq isti tergeý jalǵasýda, nátıjelerine qoǵam nazaryna usynylatyn bolady.
