Qarjy polıtsııasy azamattardy jemqorlyq jaıynda qoryqpaı habarlaýǵa shaqyrdy
ASTANA. QazAqparat - Qazaqstannyń qarjy polıtsıasy jemqorlyq faktileri jaıynda habarlaǵan azamattardy «sóz tasýshy» dep qaralamaýǵa ótindi.
«Jemqorlyq faktileri jaıynda habarlaý, bul adamnyń qoǵamǵa degen qalypty durys qatynasyn bildiredi. Eger de qoǵam osyǵan tosqaýyl qoımasa, onda para alatyn sheneýnikter sany jyl saıyn artatyn bolady», - dedi búgin Ortalyq kommýnıkatsııalar qyzmetindegi brıfınge agenttik tóraǵasynyń orynbasary Marat Ahmetjanov.
Onyń sózine qaraǵanda, búginde osyndaı 229 habar jetkizý faktileri boıynsha 25 mln. teńge kóleminde syıaqa tólendi. Sonymen birge jemqorlyq jaıynda habarlaǵandar budan da kóp eken. Olarǵa aqshalaı syıaqy qylmys boıynsha úkim zańdy kúshine engennen keıin tólenedi.
M. Ahmetjanovtyń aıtýynsha, jemqorlar jaıynda habarlaýǵa qoryqpaıtyndardyń negizgi úlesi Ońtústik Qazaqstan, Atyraý jáne Batys Qazaqstan oblystaryna tıesili.
