Qarjy polıtsııasy attestatsııa nátıjesinde jumystan bosatylǵandardyń ornyna jańa qyzmetkerlerdi irikteýge kiristi
ASTANA. 19 qyrkúıek. QazAqparat - QR Ekonomıkalyq qylmysqa jáne jemqorlyqqa qarsy kúres agenttigi quqyq qorǵaý organdarynyń kezekten tys attestatsııasy nátıjesinde jumystan bosatylǵandardyń ornyna jańa qyzmetkerler irikteýge kiristi.
Bul jaıynda Qarjy polıtsııasy kadrlar basqarmasynyń bólim bastyǵy Serik Qanybekov málim etti.
Onyń sózine qaraǵanda, kadrlardyń jetispeýshiligi turǵysynda agenttikte másele týyndap otyrǵan joq. Atap aıtqanda, agenttikte eleýli kadrlyq rezervi bar kórinedi. «Búginde olardyń ishinen qarjy polıtsııasy organdaryna qyzmetkerler tekserilip, iriktelinip jatyr»,-dedi S. Qanybekov.
Olardyń arasynda burynǵy qyzmetkerlermen qatar qarjy polıtsııasy qataryna alǵash qadam basatyndar da bar. Endi bul azamattar kadrlyq qyzmetterdiń jáne ishki qaýipsizdiktiń ońtaıly qorytyndysynan keıin qyzmetke qabyldanbaq.
Budan buryn habarlanǵandaı, aýmaqtyq attestatsııa komıssııalary jumysynyń nátıjesinde qarjy polıtsııasynyń qatarynan 136 qyzmetker bosatyldy. Jalpy, búginde 2364 qyzmetker attestattaýmen qamtylyp, onyń 439-y tapsyra almady.
