Qarjy polıtsııasy: attestatsııa nátıjesinde 136 qyzmetker jumystan bosatyldy
ASTANA. 19 qyrkúıek. QazAqparat - Aýmaqtyq attestatsııa komıssııalary jumysynyń nátıjesinde qarjy polıtsııasynyń qatarynan 136 qyzmetker bosatyldy.
Bul týraly búgin Astanadaǵy brıfıngte málim boldy.
Taratylǵan málimetterge qaraǵanda, atalǵan komıssııalardy attestattaýdan 2437 qyzmetker ótýge tıis bolatyn. Alaıda, 16 qyzmetker laýazymdarynan bosatý týraly ótinish jazyp, bas tartty. 3-eýi áskerı medıtsınalyq komıssııalarǵa qaraýǵa jiberildi, 26-sy ýaqytsha eńbek qabiletsizdigine, 20-sy qyzmettik issaparda bolýyna, 4-eýi kezekti eńbek demalysynda, sondaı-aq taǵy 4 qyzmetker júktiligine baılanysty attestattaýdan ótken joq. Jalpy, búginde 2364 qyzmetker attestattaýmen qamtyldy
Sonymen attestattaýdan ótken 200 qyzmetker óz qyzmetterine sáıkes bolyp shyqty jáne kadrlyq rezervke engizilip, joǵary laýazymdarǵa taǵaıyndalýǵa usynyldy. 1725 qyzmetker laýazymdaryna sáıkes keledi dep tanyldy. Budan bólek 179 qyzmetker tómendetýge, 124 qyzmetker basqa qyzmetterge aýystyrýǵa usynyldy. Al taǵy da 136 qyzmetker qarjy polıtsııasy organdarynan shyǵarylýy tıis.
Atap aıtqanda, 2364 qyzmetkerdiń 439 attestattaýdan óte almady.
Jumystan bosatylǵandardyń qomaqty bóligi Almatyda jáne Ońtústik Qazaqstan oblysy boıynsha qarjy polıtsııasy departamentteriniń úlesinde.
