Qarjy polıtsııasy Amanjan men Bergeı Rysqalıevterdiń ornalasqan jeri týraly aqparatty tekserýde
ASTANA. 5 qazan. QazAqparat - Qazaqstannyń Qarjy polıtsııasy burynǵy Májilis depýtaty Amanjan Rysqalıev pen Atyraý ákimi bolǵan Bergeı Rysqalıevtiń ornalasqan jeri týraly aqparatty tekserýde.
Bul týraly búgin Astanada «Nur Otan» partııasynyń Jemqorlyqpen kúres jónindegi respýblıkalyq qoǵamdyq keńesiniń otyrysynan keıin Qarjy polıtsııasy tóraǵasynyń orynbasary Andreı Lýkın málim etti.
Eske sala keteıik, budan buryn derekkózder «eki atyraýlyqtyń» Londonda ornalasyp alǵandyǵy týraly habarlanǵan bolatyn.
«Biz olardyń múmkin bolar jerleri týraly aqparatty joqqa shyǵara almaımyz jáne ony qýattamaımyz», - dedi ol.
Jýrnalısterdiń suraqtaryna jaýap qaıyrý kezinde ol, B.Rysqalıevtiń tergeýge kelmegendigin aıtty. A. Lýkın qalǵan aqparatty tergeý amaldaryna baılanysty málim etken joq.
Esterińizge sala keteıik, Bergeı Rysqalıev Atyraý oblysy ákiminiń qyzmetinen bosatylǵannan keıin iz-túzsiz joǵaldy. Bergeı Sáýletbaıuly ustalyp, úı qamaqqa alynǵany jaıly aqparat taraǵan bolatyn, biraq ol málimetter rastalmady.
