Qarjy polıtsııasy akademııasynda Uly Otan soǵysyndaǵy Jeńistiń 65 jyldyǵyna arnalǵan saltanatty shara ótti
Uly Otan soǵysy ardagerlerimen bolǵan kezdesýge «Nur-Otan» halyqtyq demokratııalyq partııasy men jergilikti atqarýshy organdardyń ókilderi, ǵalymdar shaqyryldy.
Іs-shara Akademııanyń alleıasynda UOS batyrlaryna arnalǵan eskertkishke gúl shoqtaryn qoıyp, soǵysta qaza bolǵan batyrlardy bir mınýt únsizdikpen eske alý rásiminen bastaldy. Odan keıin kelýshiler nazaryna Akademııa tyńdaýshylarynyń saptyq túzilýi men jekpe-jek shaıqas tásilderi kórsetildi.
Sondaı-aq merekelik shara barysynda, «XXI ǵasyrda jastardy patrıottyq tárbıeleýdiń ózekti máseleleri» atty respýblıkalyq ǵylymı-tájirıbelik konferentsııa ótti. Onda QR Ekonomıkalyq qylmysqa jáne sybaılas jemqorlyqqa qarsy kúres agenttigi (Qarjy polıtsııasy) tóraǵasynyń orynbasary Samat Áshimbaev, qatysýshylardy aldaǵy aıtýly kúnmen quttyqtap, tilekterin bildirdi.
Ardagerler men qonaqtar UOS taqyrybyna arnalǵan kórkem ádebıetter, tarıhı qujattar men sýretter kórmesin tamashalap, merekelik dastarhannan dám tatty.
