Qarjy polıtsııasy akademııasynda Qazaqstan Respýblıkasynyń Tuńǵysh Prezıdenti kúnin merekeleýge arnalǵan sporttyq sharalar bastaldy
ASTANA. 17 qarasha. QazAqparat - Qarjy polıtsııasy akademııasynda Qazaqstan Respýblıkasynyń Tuńǵysh Prezıdenti kúnin merekeleýge arnalǵan sporttyq sharalar ótýde. Bul týraly Qarjy polıtsııasynyń baspasóz qyzmetinen habarlady.
Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) qyzmetkerleri sporttyń 2 túrinen - shaǵyn fýtbol jáne qol kúresi boıynsha jarysatyn bolady.
Shaǵyn fýtbol týrnırine 8 komanda qatysýda. Qol kúresinen nagradalar jıyntyǵy osy sport túrinde básekelesýge nıettengen 18 qyzmetker arasynda oınalatyn bolady.
Sporttyq sharany ashqan Agenttiktiń Apparat basshysy S. Temirbolatov jıylǵan jurtty kele jatqan merekelermen quttyqtap, shyn myqtylarǵa jeńis tiledi.
Ol jańa memlekettiń irgetasyn qalaýshy jáne ult kóshbasshysyna aınalǵan elimizdiń tuńǵysh Prezıdenti Nursultan Ábishuly Nazarbaevtyń táýelsiz Qazaqstannyń qalyptasýyna qosqan úlesi men róli týraly atap ótti.
Shaǵyn fýtbol boıynsha úzdik komandalar jáne qol kúresinen jeńimpazdar 2012 jylǵy 30 qarashada Qazaqstan Respýblıkasy Tuńǵysh Prezıdenti kúnin merekeleýge arnalǵan saltanatty jıynda marapattalatyn bolady.
