Qarjy polıtsııasy akademııasynda Innovatsııalyq tehnologııalar kabıneti ashyldy
ASTANA. 11 qykúık. QazAqparat - Búgin Qarjy polıtsııasy akademııasynda Túrkııa Respýblıkasy Úkimeti janyndaǵy Yntymaqtastyq jáne úılestirý jónindegi Túrkııa agenttiginiń (TIKA) kómegimen jabdyqtalǵan Innovatsııalyq tehnologııalar bólimi kabınetiniń saltanatty túrde ashylý rásimi ótti.
Bul týraly Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) baspasóz qyzmetinen habarlady.
Rásimge Qazaqstan Respýblıkasyndaǵy Túrkııa Respýblıkasy Elshisi Omer Býrhan Týzel, onyń qaýipsizdik jónindegi keńesshisi Irfan Ozdjan, eńbek jónindegi keńesshisi Atakan Ýsta, Túrkııa Respýblıkasy Úkimeti janyndaǵy Yntymaqtastyq jáne úılestirý jónindegi Túrkııa agenttiginiń (TIKA) vıtse-prezıdenti Mehmet Sıýreıa Er, TIKA agenttiginiń Qazaqstandaǵy ókili Evren Rýtbıl, «CIHAN» Aqparattyq agenttiginiń dırektory Dogan Iyldyz qatysty.
Sálemdesý sózi rásim qatysýshylarǵa Qarjy polıtsııasy akademııasynyń basshysy, z.ǵ.d., professor, qarjy polıtsııasynyń polkovnıgi Sarqytbek Sársembaıuly Moldabaev aıtty. Ol zamanaýı kompıýterlik tehnıka, servermen jabdyqtalǵan Innovatsııalyq tehnologııalar bólimi kabınetiniń ashylýy, sonymen qatar «Platonýs» avtomattandyrylǵan oqytý júıesin alý jáne ornatýy Túrkııa Respýblıkasy Úkimeti janyndaǵy Yntymaqtastyq jáne úılestirý jónindegi Túrkııa agenttiginiń (TIKA) belsendi qyzmeti arqasynda júzege asyrylǵandy atap ótti.
Qazaqstan Respýblıkasyndaǵy Túrkııa Respýblıkasy Elshisi Omer Býrhan Týzel sóz sóıledi. «Qazaqstan Respýblıkasy jáne Túrkııa Respýblıkasynyń bilim berý jáne ǵylym protsesi salasyndaǵy yntymaqtastyǵynyń mańyzdylyǵy málim. Bizdiń elder arasyndaǵy qarym-qatynastar táýelsizdiktiń alǵashqy kúninen bastap qarqyndy damydy jáne qazirgi joǵarǵy deńgeıge jetti. Búgingi tańda strategııalyq sıpatqa ıe boldy», - atap ótti ol óz sózinde.
Lenta qııý saltanatty rásimi jáne Innovatsııalyq tehnologııalar bólimi kabınetiniń jumysynyń kórsetilimi ótti.
Túrkııa Respýblıkasy Úkimeti janyndaǵy Yntymaqtastyq jáne úılestirý jónindegi Túrkııa agenttiginiń (TIKA) vıtse-prezıdenti Mehmet Sıýreıa Er TIKA jobalary sheńberinde Túrkııa 100 elde jumys isteıdi, sonymen qatar Akademııa qyzmetkerlerine akademııalyq ushqurlyqty damytýǵa jáne oqytý júıesin modernızatsııalaý boıynsha yntymaqtastyqty odan ári damytýǵa senimdilik bildirdi.
Akademııa bastyǵynyń orynbasary, z.ǵ.k., qarjy polıtsııasynyń polkovnıgi Dýlat Sýleımenuly Jaqashev bilim berý salasyndaǵy ózara is-áreket boıynsha halyqaralyq baǵdarlama úlken mańyzǵa ıe ekenin atap ótti.
Sheteldik qonaqtar kórsetilgen jaqsy qabyldaýǵa jáne qazaqstandyq qonaqjaılylyqqa iltıpat bildirdi, sonymen qatar Akademııanyń materıaldyq-tehnıkalyq bazasyn, oqý-tárbıe protsesin uıymdastyrýdy, tártipti qamtamasyz etýdi joǵary baǵalady.
