Qarjy polıtsııasy agenttiginde EQYU 20-ekonomıkalyq-ekologııalyq forýmǵa daıyndyq aıasyndaǵy Ulttyq kezdesý uıymdastyryldy
ASTANA. 27 maýsym. QazAqparat - Búgin Qarjy polıtsııasy agenttigi Astana qalasyndaǵy Eýropadaǵy qaýipsizdik jáne yntymaqtastyq uıymymen birlese otyryp, «Tıimdi basqarý arqyly qaýipsizdik pen turaqtylyqty alǵa tartý» EQYU 20-ekonomıkalyq-ekologııalyq forýmǵa daıyndyq sheńberinde joǵary dárejedegi Ulttyq kezdesýdi ótkizdi.
Basqosýǵa Qarjy polıtsııasy agenttiginiń basshylyǵy men jeke quramy, QR Syrtqy ister mınıstrliginiń Syrtqy saıası taldaý jáne boljamdaý komıtetiniń tóraǵasy S.O. Ábdikárimov, Astanadaǵy EQYU ortalyǵynyń basshysy Natalıa Zarýdnaıa, QR memlekettik organdarynyń, úkimettik emes jáne halyqaralyq uıymdardyń ókilderi qatysty.
Іs-sharanyń maqsaty - Qazaqstanda memlekettik basqarý, sybaılas jemqorlyqqa qarsy kúres, zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ulttyq profıldi memlekettik vedomstvolar, qarjy ınstıtýttary, ǵylymı mekemelerdi, jekemenshik sektordyń, úkimettik emes jáne halyqaralalyq uıymdardyń kúshin biriktirý jáne yntymaqtastyqtyń deńgeıin kóterý.
Atalǵan kezdesýde Qazaqstan Respýblıkasynyń memlekettik organdary, «Ar.Rýh.Haq», «Transperensı Kazahstan», «Sandj» zertteý ortalyǵy sııaqty jáne t.b. qoǵamdyq uıymdardyń, bıznes ókilderiniń, halyqaralyq uıymdardyń jáne dıplomatııalyq ókildilikterdiń (QR Eýropalyq keńestiń delegatsııasy, QR BUU ókilderi, Nıderlandy QR elshiligi, Ortalyq Azııadaǵy ıÝSAID ókilderi boldy.
Keńeste ulttyq deńgeıdegi sybaılas jemqorlyqqa qarsy is-qımyl jáne zańsyz jolmen alynǵan kiristerdi zańdastyrý (jylystatý) jáne terrorızmdi qarjylandyrýǵa qarsy is-qımyl salasynda zańnamalyq jáne praktıkalyq qyzmettiń tıimdiligin arttyrý boıynsha usynystar men usynymdar ázirleý, aǵymdaǵy jylǵy qyrkúıekte Praga qalasynda EQYU joǵary deńgeıdegi kezdesýde qazaqstandyq delegatsııasy usyna alatyn atalǵan máseleler Qazaqstan Respýblıkasynyń tájirıbesinde negizdelgen usynystar daıyndaýǵa járdemdesý jaıy qarastyrylyp otyr.
