Qarjy polıtsııasy agenttigi «Sıtýatsııalyq ortalyq» atty taldaý júıesiniń tusaýyn kesti
ASTANA. 23 qańtar. QazAqparat - Búgin Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi «Sıtýatsııalyq ortalyq» atty taldaý júıesi jobasynyń tusaýkeserin ótkizdi.
«Sıtýatsııalyq ortalyqtyń» qoldanysta bar aqparat kózderiniń negizinde saralaý júrgizý, qylmystyq baılanystardyń qurylymdary men shemalaryn jasaý, týysqandyq, áleýmettik belgiler, bir-birimen sybaılastyǵy jáne basqa da kórsetilgen parametrler arqyly ózara baılanystaryn tabýǵa múmkindik beredi», - dedi Agenttiktiń Aqparattyq-taldaý departamentiniń bastyǵy O.Bektenov
Onyń aıtýynsha, Júıeni jasaýdyń maqsaty qarjy polıtsııasy organdarynyń tarapynan bıznestiń qyzmetine negizsiz aralasý faktilerin azaıtý, ekonomıkalyq jáne sybaılas jemqorlyq qylmystaryn anyqtaýǵa jumsalatyn ýaqtylyq, qarjylyq jáne eńbek resýrstaryn azaıtý arqyly sybaılas jemqorlyqqa jáne kóleńkeli ekonomıkaǵa qarsy turýdaǵy qarjy polıtsııasy organdary qyzmetiniń tıimdiligin arttyrý bolyp tabylady.
Tusaýkeserde Qarjy polıtsııasy agenttiginiń basshylyǵy, Qazaqstan Respýblıkasy Prezıdenti Ákimshiliginiń, Bas prokýratýranyń, Kólik jáne kommýnıkatsııa mınıstrliginiń, «Ulttyq aqparattyq tehnologııalar» AQ-nyń ókilderi boldy.
