Qarjy polıtsııasy agenttigi men Ulttyq kásipkerler palatasy áriptestik týraly memorandýmǵa qol qoıdy
Memorandým birlesken is-sharalardy iske asyrýdy, bıznestiń damýyna kedergi bolatyn júıeli máseleler men kedergilerdi anyqtaýdy, kásipkerlik sýbektilerdiń qyzmetin zańsyz tekserýlerge jol bermeýdi kózdeıdi.
Bul maqsatta qarjy polıtsııasy men Ulttyq kásipkerler palatasy jumys kezdesýlerin ótkizip, birlesken baǵdarlamalar ázirlep, keńes organdary men jumys toptaryn quratyn bolady.
Memorandým sheńberindegi tıimdi yntymaqtastyq maqsatynda Agenttik tóraǵasynyń orynbasary A.Bodanov pen Ulttyq kásipkerler palatasynyń basqarma tóraǵasy A.Myrzahmetov Memorandýmdy júzege asyrýdyń josparyna qol qoıdy.
R.Túsipbekov «Agenttik 2012 jyldan bastap kásipkerlik sýbektilerin tekserýdi optımızatsııalaý jáne bızneske qysymdy báseńdetý boıynsha júıeli sharalar qabyldaýda», - dep atap ótti.
Domalaq aryzdar boıynsha tekserýler júrgizý faktileri joıyldy, kásipkerlerden jaýap alý úshin shaqyrý jáne qujattardy alý aldyn ala tekseristen keıin ǵana iske asyrylady, azamattyq-quqyqtyq qarym-qatynastarǵa aralasýǵa, kásipkerlik qyzmetti toqtatýǵa, jalpy qylmystar boıynsha jáne qylmystyq jaýapkershilik bastalatyn tabaldyryq shekterinen aspaǵan jaǵdaılarda tekserister júrgizýge tyıym salynǵan.
Jalpy sońǵy 2 jylda qabyldanǵan sharalar qarjy polıtsııasynyń bastamasymen ýákiletti organdar júrgizgen kásipkerlerdi tekserýler sanyn 5 esege azaıtýǵa múmkindik berdi.
2011 jyly 1715 tekseris júrgizilse, 2012 jyly - 1009, 2013 jyly tekseristerdiń sany 340-qa deıin azaıtyldy.