Qarjy polıtsııasy 6 aıda 5 myń 125 qylmysty tirkedi
ASTANA. 10 tamyz. QazAqparat -2012 jyldyń 1-toqsanynda qarjy polıtsııasy organdarymen 5 125 qylmys tirkeldi. Onyń ishinde 1 107-i - sybaılas jemqorlyq, 3572-si - ekonomıkalyq qylmystar.
Bul týraly búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy Rashıd Túsipbekovtyń jetekshiligimen ótken vedomstvonyń alqaly jıynynda málim boldy.
Vedomstvo baspasóz qyzmetiniń habarlaýynsha, Qarjy polıtsııasy organdarymen tirkelgen qylmystar boıynsha keltirilgen zalal mólsheri 70 mlrd.teńgeni quraǵan. Qazirgi tańda onyń 29 mlrd.teńgesi tergeý barysynda qaıtaryldy. Alqaly jıynda aýmaqtyq attestattaý komıssııalarynyń otyrystaryn ótkizý men daıyndaý tártibi de talqylandy. Búgingi kúni Joǵarǵy attestatsııalaý komıssııasynan qarjy polıtsııasynyń 68 basshysy, ortalyq attestatsııalaý komıssııasynan - ortalyq apparattyń jáne qarjy polıtsııasynyń aýmaqtyq departamentteriniń 508 qyzmetkerleri ótken. Attestatsııa bastalmas buryn jáne onyń nátıjesinde qarjy polıtsııasy organdarynyń joǵarǵy basshylyq quramy 85 paıyzǵa jáne qarjy polıtsııasynyń aýmaqtyq bólimsheleriniń basshylyq quramynyń orta býyny 27 paıyzǵa jańartyldy. Endigi kezekte aýmaqtyq attestatsııalaý komıssııalarynda vedomstvonyń 2450 qatardaǵy qyzmetkerleri attestatsııalaýdan ótedi.
Qarjy polıtsııasynyń tóraǵasy aýmaqtyq bólimsheleriniń basshylaryna attestattaýshylardy suhbattasýdan ótkizý barysynda shynaıylyq pen qatańdylyqty qamtamasyz etýdi tapsyrdy.
