Qarjy polıtsııasy 140-qa jýyq basshylardy qylmystyq jaýapkershilikke tartty
ASTANA. QazAqparat - Qarjy polıtsııasy 140-qa jýyq basshylardy qylmystyq jaýapkershilikke tartty, onyń shinide ortalyq atqarý organdarynyń basshylary, ákimder men olardyń orynbasarlary bar. Sybaılas jemqorlyqqa qarsy jumysty jandandyrý týraly vedomstvonyń kóshpeli alqa otyrysynda Qarjy polıtsııasy agenttiginiń Tóraǵasy Rashıd Túsipbekov aıtty.
Onyń málimetinshe, memlekettik organdardyń laýazymy tulǵalary uıymdasqan qylmystyq toptardy qurý jáne basqarýdyń 6 faktisi anyqtaldy. Bıýdjet qarajatyn urlaý faktilerin anyqtaý 1,5 esege ósken, para alý - tórtten bir bólikke ósken.
2014 jyldyń 6 aıynda anyqtalǵan sybaılas jemqorlyq qylmystyrdyń sany 16%-ǵa ósken. Júıeli sybaılas jemqorlyq faktileri boıynsha qylmystyq is 1,5 esege kóp qozǵalǵan. Memlekettik baǵdarlamalardy iske asyrý salasyndaǵy anyqtalǵan qylmystyq isterdiń sany 2 esege jýq artqan.
Sybaılas jemqorlyqqa qarsy vedomstvonyń bastyǵy jeke quramnyń aldynda sybaılas jemqorlyqtyń uıymdasqan nysandaryn anyqtap, jolyn kesýge, kóp deńgeıli sybaılas jemqorlyq shemalaryn joıýǵa, sonymen qatar quqyq qorǵaý jáne sot organdarynyń jemqor sheneýnikterin áshkereleýge naqty mindetter qoıdy. Sonymen qatar ol damý ınstıttýtary men kvazımemlekettik sektordaǵy sybaılas jemqorlyqtyń jolyn kesýdi tapsyrdy.
