Qarjy polıtsııasy: «100 mektep, 100 aýrýhana» memlekettik baǵdarlamasy aıasynda keltirilgen bıýdjet shyǵyny - 1,5 mlrd. teńge
ASTANA. 23 aqpan. QazAqparat - «100 mektep, 100 aýrýhana» memlekettik baǵdarlamasy aıasynda keltirilgen bıýdjet shyǵyny 1,5 mlrd. teńgeni qurady.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
«Memlekettik baǵdarlamalardy iske asyrý barysynda eń iri zalal «100 mektep, 100 aýrýhana» memlekettik baǵdarlamasy aıasynda keltirilgen, ol 1,5 mlrd. teńgeni qurady. Kórsetilgen merzimde qarjy polıtsııasy organdarymen osy salada 34 qylmystyq is qozǵaldy», - dedi ol.
Máselen, resmı ókildiń atap ótýinshe, Astana qalasynyń qurylys departamenti bastyǵynyń orynbasary ıÝ.ıArosh 7 jyl 2 aıǵa bas bostandyǵynan aıyryldy. Ol qabyldaý aktisin jasamaı, Astana qalasynyń sol jaǵalaýyndaǵy Ambýlatorlyq-emhanalyq keshen úshin jobalyq-smetalyq qujattamada qarastyrylmaǵan medıtsınalyq jabdyqtar boıynsha atqarylǵan jumystardyń baǵasy týraly anyqtamaǵa qol qoıǵan. Memleketke kelgen zalal 32 mln. teńgeni quraıdy.
«Oǵan qosa, ıArosh 2007 jylǵy qarasha-jeltoqsanda Qoıandy sý quımasyndaǵy demalys aýmaǵyn jáne «Stepnoı» garajdyq kooperatıv aýdanyndaǵy turǵyn úıler qurylysy boıynsha atqarylǵan jumystardyń jalǵan aktilerine qol qoıyp, 135 mln. teńge zalal keltirgen», - dedi M.Jumanbaı.
