Qarjy pıramıdasynyń belgileri bar taǵy bir kompanııa anyqtaldy

NUR-SULTAN. QazAqparat - Aqmola oblysynda qarjy pıramıdasynyń belgileri bar «River Coins Limited» kompanııasy anyqtaldy. Bul týraly QazAqparat Qarjylyq monıtorıng agenttigine silteme jasap habarlaıdy.

Qarjy pıramıdalary qomaqty somany salýdy talap etedi jáne qosymsha qarajatpen qosa, qysqa ýaqyt ishinde qaıtarýǵa kepildik beredi.

Budan basqa, QR Qarjy naryǵyn retteý jáne damytý agenttiginiń azamattardan aqsha tartýǵa lıtsenzııasynyń bolmaýy qarjy pıramıdasynyń mańyzdy belgisi bolyp tabylady.

Qarjylyq monıtorıng agenttiginiń Aqmola oblysy boıynsha aýmaqtyq departamentiniń qyzmetkerleri «River Coins Limited» kompanııasyna qatysty 2020 jyldyń shildesinen 2021 jyldyń mamyryna deıin aqshany zańsyz tartý deregi boıynsha sotqa deıingi tergeý-tekserýdi bastady.

Tergeý kompanııada spıral qaǵıdaty boıynsha tólemder júıesi bar ekenin anyqtady. Birinshi deńgeıdegi salymshylar jańa salymshylardan túsetin jarnalardy qaıta bólý esebinen syıaqy alyp otyrǵan,

«River Coins Limited» kompanııasy QR aýmaǵynda kásipkerlik qyzmet sýbektisi retinde tirkelmegen, bank operatsııalaryn jasaýǵa – qarajat tartýǵa jáne syıaqy tóleýge lıtsenzııalary men ruqsattary joq.

Qazirgi ýaqytta atalǵan derek boıynsha tergeý amaldary júrgizilýde.