Qarjy pıramıdasyna aldanǵan salymshylarǵa 123 mln teńge qaıtaryldy

ASTANA. QazAqparat - Qarjylyq monıtorıng agenttigi júrgizgen jumystardyń nátıjesinde «B2B Jewelry» qarjylyq pıramıdasynyń 197 salymshysyna 123 mıllıon teńge qaıtaryldy, dep habarlaıdy QazAqparat.

Eske salaıyq, agenttiktiń Almaty qalasy boıynsha departamenti «B2B Jewelry» zergerlik dúkender jelisiniń atyn jamylǵan qarjy pıramıdasynyń qyzmetin uıymdastyrýǵa qatysty sotqa deıingi tergeýdi aıaqtady.

«Sot úkimimen qarjy pıramıdasyn uıymdastyrýshy kináli dep tanylyp, ol 5 jyl merzimge qarjylyq qyzmetpen aınalysý quqyǵynan aıyrýmen 6 jyl 8 aıǵa bas bostandyǵynan aıyryldy», - dep jazdy vedomstvodan.

Qylmystyń qalǵan sybaılastaryna qatysty sotqa deıingi is júrgizý aıaqtalýǵa jaqyn.