Qarjy pıramıdasyn quryp 85 mln teńge jymqyrǵan qazaqstandyq Ýkraınadan ekstradıtsııalandy

ASTANA. QazAqparat – Ýkraınadan qarjy pıramıdasynyń jetekshisi Qazaqstanǵa ekstradıtsııalandy. Bul týraly QazAqparat Bas Bas prokýratýraǵa siltem jasap habaraıdy.

«Ýkraına Bas prokýrorynyń ofısi qarjy pıramıdasyn uıymdastyrǵan jáne basqarǵan «K» esimdi Qazaqstan azamatyn ekstradıtsııalaý týraly ótinishimizdi qanaǵattandyrdy. Tergeý barysynda atalǵan adamnyń 2017-2018 jyldar kezeńinde turǵyn úı satyp alýǵa járdemdesýge ýáde berip, qazaqstandyq azamattardyń 85 mln teńgeden astam aqshalaı qarajatyn aldap alǵany anyqtaldy», - delingen habarlamada.

Prokýratýranyń aqparatyna qaraǵanda, ustalǵan azamatqa halyqaralyq izdeý jarııalanǵan.

Aǵymdaǵy jyldyń qańtarynda kúdiktini Ýkraına aýmaǵynda sol eldiń quqyq qorǵaý organdary ustady. Qazirgi ýaqytta ol Astana qalasynyń tergeý ızolıatoryna qamaldy.