Qarjy pıramıdasyn qurǵany úshin izdeý jarııalanǵan erli-zaıypty ustaldy
QR Qarjy monıtorıngi agenttigi baspasóz qyzmetiniń málimetinshe, Qazaqstan Respýblıkasy Qylmystyq kodeksiniń 217-baby boıynsha Almaty oblysynda jáne QR basqa óńirlerinde «Elimaı 2019» tutyný kooperatıvi qarjy pıramıdasyn qurý jáne oǵan basshylyq etý faktisi boıynsha qylmystyq ister tergelýde. Kúdiktiler Almaty oblysynyń ýaqytsha ustaý ızolıatoryna qamaldy.
Qazirgi ýaqytta aldyn ala tergeý organyna 125-ten astam zardap shekken adam júgindi. Tergeý nátıjeleri jábirlenýshilerdiń sany áldeqaıda kóp bolýy múmkin ekenin kórsetip otyr.
«Osyǵan baılanysty Almaty oblysy boıynsha Ekonomıkalyq tergeý departamenti zardap shekken azamattardy Ótegen batyr kenti, Battalhanov kóshesi 11a meken-jaıy boıynsha nemese +7 (727) 251-71-06 senim telefonyna habarlasýdy suraıdy»,-delingen Qarjylyq monıtorıng agenttiginiń baspasóz qyzmeti taratqan aqparatta.