Qarjy pıramıdasy: Aqtóbede 17 myńnan astam salymshyny aldaǵan qylmystyq topqa úkim shyqty
№2 Aqtóbe qalalyq soty «Garant 24 lombard», «Esteıt Lombard», «Nýr-Alı Kapıtal» JShS-in qurǵan topqa úkim shyǵarýdy búgin bastady. Jýrnalıster úshin arnaıy oryn belgilengenimen, sottalýshylar men qorǵaýshylardyń, jábirlenýshilerdiń sany kóp bolyp, úkim qonys kolonııasynda oqyldy.
Іs materıalyna súıensek, Qylmystyq kodekstiń «Zańsyz kásipkerlik, zańsyz banktik, mıkroqarjylyq nemese kollektorlyq qyzmet», «Qarjylyq (ınvestıtsııalyq) pıramıdany qurý jáne oǵan basshylyq etý», «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», «Alaıaqtyq» baptary boıynsha aıyp taǵyldy.
Sottalýshy J. Esirkepov 2018 jyly Aqtóbe qalasynda «Vygodnyı zaım», «Garant 24 lombard», «Esteıt Lombard», «Nýr-Alı Kapıtal» JShS-in ashyp, adamdardyń senimine kirip, aqsha jymqyrǵan. Salymshylarǵa 30 mıllıard teńgeden astam shyǵyn kiltirgen.
Barlyǵy 48 sottalýshynyń isi 3 786 tomnan turady. Elimizdiń barlyq oblysynan turǵyndar aldanyp, 17 myńnan astam salymshy zardap shekti. Sot otyrysy kezinde sottalýshylar J. Esirkepov, N. Tanbashev, A. Toıchıeva óz kinásin ishinara moıyndap, jábirlenýshilerden keshirip surady. Al ózge sottalýshylar kinásin moıyndamaı, ózderiniń jaldamaly jumysshy ekenin aıtty.
«J. Esirkepov, N. Tanbashev aıypty dep tanylyp, túpkilikti 18 jylǵa bas bostandyǵynan aıyrý jazasy kesilsin. Olar qarjy, kommertsııalyq uıymdarda 10 jyl basqarýshy qyzmetin atqara almaıdy. Múlki tárkilenedi», - dedi sýdıa Seıfýlla Tasymbetov.
Al, sottalýshy A. Myrzabekov 16, D. Knıazbaeva 13 jylǵa bas bostandyǵynan aıyryldy.
N. Amanǵalıev, J. Eltaev, E. Jansúgirov 12 jylǵa, A. Qulnııazov, S. Myrzabekov, M. Rahymbaev, N. Eleýov 11 jylǵa sottaldy.
A. Kýbıev, A. Seksenbaev, A. Qýanyshuly, D. Kádirbergen, A. Nurjan, A. Aǵıev, ıÝ. Afonın, E. Akıshev 10 jylǵa, S. Bekmuhambetov, L. Ramadınov, B. Myrzabekov, A. Nýrmetov, E. ıÝldashev, Á. Ysqaqov, A. Aıtmaǵambetov, D. Cherıkbaev, A. Bakasýov, L. Arystanova, A. Báımen, A. Toıchıbaeva 9 jylǵa, A. Sıtınova, Z. Konyrbaeva, D. Haırov, A. Qanat, S. Qanatbaev, Q. Ádilov, D. Kazıev, E. Mýstafınov, G. Baımýkanov, R. Abdýrahımov, S. Myrzahmetov 8 jylǵa, K. Abdıeva, G. Adılova, E. Kaıbarov, A. Kanapıanov, I. Ivanova, E. Hamzın 7 jylǵa bas bostandyǵynan aıyryldy.
Bári de 10 jyl boıy qarjylyq, kommertsııalyq uıym basqarý quqyǵynan aıyryldy.
Aıta keteıik, búgin sot úkiminiń bir bóligi ǵana oqyldy. №2 qalalyq soty baspasóz qyzmetiniń habarlaýynsha, úkim shamamen apta boıy oqylýy múmkin. Kelesi sot úkimi 31 tamyz kúni jarııa etiledi.
Eske salsaq, qylmystyq topty quryqtaý jumysy birneshe aıǵa sozyldy. Keıbir kúdikti shetelge qashyp úlgerdi.
