Qarjy pıramıdalaryn qurý jáne basqarý faktileri ótken jyly 27% tómendedi – Bas prokýratýra

ASTANA. QazAqparat - 2022 jyly jasalǵan ınternet-alaıaqtyqtyń sany 4% - ke, Internet jelisi arqyly mıkrokredıtter berýge baılanysty alaıaqtyqtardyń sany 28%-ke, sondaı-aq qarjy pıramıdalaryn qurý jáne basqarý faktileri 27%-ke tómendedi.

Bul málimetterdi búgin Bas prokýratýrasynyń baspasóz qyzmeti alaıaqtyq pen qarjy pıramıdalaryna qarsy kúres baǵytynda qolǵa alynǵan is-sharalardyń oryndalý barysy týraly málimetter aıasynda jarııalady, dep habarlaıdy QazAqparat.

Bas prokýratýranyń baspasóz qyzmeti taratqan derekterge qaraǵanda, Qarjy naryǵyn retteý jáne damytý agenttigi mıkrokredıtterdi elektrondyq tásilmen berý qaǵıdalaryna ózgerister engizdi jáne qaryz alýshylardy aýtentıfıkatsııalaýdyń qosymsha tásilderin engizdi.

Bas prokýratýra Qarjylyq monıtorıngi agenttigimen birlesip, áleýetti qarjy pıramıdalaryn erte anyqtaý tetigin engizdi, azamattardyń jappaı tartylýyna jol bermeýge múmkindik beretin uıymdastyrýshylyq-túsindirý jáne aldyn alý sharalaryn qabyldady.

Atalǵan jumystyń sheńberinde dıvıdendter alý syltaýymen 580 salymshyny zańsyz tartý faktisi boıynsha «GAP» kompanııasynyń basshylary qylmystyq jaýapqa tartyldy.

Bankter operatsııalardyń kúsheıtilgen monıtorıngisine jáne kúdikti klıenttermen iskerlik qatynastardy toqtatýǵa baǵdarlanǵan. Osyndaı 179 adammen iskerlik qatynastar ornatýdan bas tartyldy.

Quqyq buzýshylyqtyń osy túriniń profılaktıkasy úshin BAQ-ta 4 myńnan astam materıal, posttar men beınerolıkter jarııalandy, sondaı-aq halyqty SMS-qulaqtandyrý júrgizildi.

Óńirlerde «Zań kerýeni» kóshpeli aktsııalar ótkizildi, onyń barysynda prokýratýra men polıtsııa qyzmetkerleri halyqqa qarjy pıramıdalary men alaıaqtyqtan saqtyq sharalary týraly tıisti túrde jetkizdi.

Qabyldanǵan sharalar osy qylmystardyń sanyn edáýir azaıtýǵa múmkindik berdi.

«Sonymen qatar kıber qylmyskerler ózderiniń alaıaqtyq sulbalaryn árkez jetildirip otyrady. Kóbine, halyqtan aldaý arqyly aqsha alý úshin ózderin kúshtik qurylymdardyń qyzmetkerleri retinde tanystyrady, jetekshi kompanııalardyń logotıpterin, tanymal medıa tulǵalardyń jáne joǵary laýazymdy adamdardyń sýretterin paıdalanady. Qylmystyń osy túrlerine qarsy is-qımyl boıynsha jumystar jalǵasýda»,-delingen habarlamada.

Osyǵan deıin Kıber alaıaqtardyń 10 qylmystyq toby áshkerelengenin jazdyq.

Telefon arqyly alaıaqtyq jasaǵan 32 adamnan turatyn Halyqaralyq qylmystyq top joıyldy.