Qarjy pıramıdalary: Agenttik halyqty saqtandyrý úshin aqparattandyrý tásilderin túrlendirmek

ACTANA. QazAqparat – Qarjylyq monıtorıng agenttigi qazaqstandyqtardy qarjy pıramıdalarynan SMS arqyly saqtandyrmaq, dep habarlaıdy QazAqparat tilshisi.

Bul týraly agenttiktqarjy piń basqarma basshysy Andreı Davydov ortalyq kommýnıkatsııalar qyzmetinde ótken brıfıngide málim etti.

«Múddeli memlekettik organdarmen birge qarjy pıramıdalarymen baılanysy bar qylmystar týraly, mehanızmder men amaldar týraly SMS-eskertpe joldaý jobasyn iske asyrýdy josparlap otyrmyz. Bul jerde, árıne, baılanys operatorlarynyń tarapynan túsinistik qajet. Óıtkeni, ondaı qyzmetter aqyly. Bul jumys azamattardyń áleýmettik jaǵdaıyna oń áser etetinin, árkim nazar aýdarýǵa turatyn mańyzdy másele ekenin umytpaý kerek», - dedi ol.

Sondaı-aq, zańsyz jobalar týraly málimetterdi beınerolık retinde óńdep, ınternette túrli joldarmen jurtqa taratý kózdelip otyr.

«Bul alaıaqtarǵa qarsy qarymta nasıhat bolady. Óıtkeni, olar da ózderiniń zańsyz áreketterinde ınternettiń túrli múmkindikterin belsendi paıdalanady. Mundaı joldar halyqtyń alaıaqtyq áreket týraly der kezinde bilip, odan aýlaq bolýyna jaǵdaı týǵyzady», - dedi Andreı Davydov.