Qarjy ortalyǵy kezinde memlekettik bilim nesıesimen oqyǵandarǵa qaryzdaryn japqyzý máselesin sheship jatyr - T. Balyqbaev

ASTANA. QazAqparat - Qarjy ortalyǵy kezinde memlekettik bilim nesıesimen oqyǵandarǵa qaryzdaryn japqyzý máselesin sheship jatyr. Bul týraly búgin Ortalyq kommýnıkatsııalar qyzmetindegi brıfıngte QR Bilim jáne ǵylym vıtse-mınıstri Takır Balyqbaev málim etti.

«1999-2004 jyldar aralyǵynda elimizde memlekettik bilim grantymen qatar, memlekettik bilim nesıesimen oqyǵan stýdentter boldy. Ol balalardyń sany jylyna shamamen 10 myńnan bolǵanyn eskersek, jalpy 50-60 myń stýdent osy baǵytta bilim aldy. Atap aıtqanda nesıe negizinde oqýǵa túsken kezde tıisti kelisimshart jasap, belgili bir ýaqyttan keıin nesıeni memleketke qaıtarý týraly mindetteme alǵan edi», - dep toqtaldy T. Balyqbaev.

Onyń sózine qaraǵanda, bul nesıeni qaıtarý máselesimen QR BǴM-ge baǵynyshty Qarjy ortalyǵy aınalysýda.

«Ortalyq qyzmetkerleri qazirgi kezde sol kezderde oqý orynyn bitirgen túlekpen arnaıy habarlasyp, sol nesıeni qaıtarý júıesi boıynsha arnaıy keste jasap, bul máseleni sheship jatyr», - dedi vıtse-mınıstr.

Sóz sońynda T. Balyqbaev búginde bul nesıeni tolyǵymen japqan túlekter boıynsha aqparatty qosymsha beretindigin atap ótti.