Qarjy naryǵyn retteý agenttiginiń kadr rezervine kimder alynady

ALMATY. QazAqparat- QR Qarjy naryǵyn retteý jáne damytý agenttigi kadr rezervine kandıdattardy irikteý bastalǵanyn málim etti, dep habarlaıdy QazAqparat tilshisi.

QR Qarjy naryǵyn retteý jáne damytý agenttigi Joǵary oqý oryndarynyń talantty ári bolashaǵynan úmit kúttirer túlekterin jáne jumys tájirıbesi bar bilikti mamandardy izdeıdi.

«Kandıdattardy irikteý kezinde tıisti bilim, joǵary deńgeıdegi biliktilik, jumys tájirıbesi, halyqaralyq qarjy jáne til bilý sertıfıkattarynyń bolýy tıis»,-dep habarlady agenttikten.

Úzdikter kezeńdik tásil arqyly tańdalatyn bolady: Birishi kezeńde kandıdattarǵa rezıýme men esse tapsyrý usynylady.Ekinshi kezeńde rezıýme men esseni qaraý nátıjeleri boıynsha iriktelgen kandıdattar agenttiktiń múddeli bólimsheleriniń basshylarymen áńgimelesýge shaqyrylady.Іrikteý jeńimpazdary agenttiktiń kadr rezervine alynyp, bir jyldyń ishinde jumysqa ornalasýy múmkin.

Agenttiktiń kadr rezervine alynǵan adamdardyń bekitilgen tizimi vedomstvanyń resmı ınternet-resýrsynda ornalastyrylady.

Tolyq aqparatty myna jerden kórýge bolady.