Qarjy naryǵyn retteý agenttigi strestik aktıvterdi satyp alýshylar tizimin keńeıtýdi usyndy
«Birinshi kezekte, agenttik jeke ınvestorlardyń qatysýy úshin strestik aktıvterdi satyp alýshylardyń tizimin keńeıtýdi usynady. 2022 jylǵy 21 qańtarda Memleket basshysy otandyq iri bıznes ókilderimen kezdesýde strestik aktıvter máselesine baıypty qaraý kerektigin jáne bankterden osyndaı buǵattalǵan aktıvterdi satyp alýǵa zańdy túrde ýákiletti sýbektiler sanyn keńeıtý qajettigin atap ótti. Qaryz alýshylardyń quqyqtaryn qorǵaý úshin kredıtorlardyń qaryz alýshylarmen ózara qarym-qatynasy boıynsha qoldanystaǵy barlyq zańnamalyq shekteýler jańa ınvestorlar men servıstik kompanııalarǵa qoldanylatyn bolady», - dep jazylǵan Qarjy naryǵyn retteý jáne damytý agenttiginiń habarlamasynda.
Sonymen qatar, zań jobasy bankterdi óndirilgen múlikti ekonomıkalyq aınalymǵa tartýǵa yntalandyrýǵa baǵyttalǵan. Ol úshin mundaı múliktiń bankterdiń balansynda bolýynyń 3 jyldyq merzimin belgileý usynylady.
Aıta keteıik, 2022 jylǵy 8 aqpanda QR Parlamenti Májilisiniń Qarjy jáne bıýdjet komıtetinde «Qazaqstan Respýblıkasynyń keıbir zańnamalyq aktilerine strestik aktıvter naryǵyn damytý máseleleri boıynsha ózgerister men tolyqtyrýlar engizý týraly» Zań jobasy talqylandy. Onda Qarjy naryǵyn retteý jáne damytý agenttigi Tóraǵasynyń birinshi orynbasary O.Smolıakov strestik aktıvter naryǵyn damytý qarjy sektorynyń turaqtylyǵyn qamtamasyz etýdiń basty mindetteriniń biri ekenin aıtty.
Sońǵy 5 jyl kóleminde bankterdiń balanstaryn tazartý boıynsha túbegeıli sharalar qabyldanǵan, bul bank sektorynyń strestik aktıvteriniń mólsherin 7,7 trln teńgeden 2,5 trln teńgege deıin tómendetýge múmkindik bergen.
