Qarjy naryǵyn retteý agenttigi bankterdiń jumysyna taldaý júrgizetin ekonometrıkalyq paket ázirledi
«AFR» paketi «R» baǵdarlamalaý ortasynda iske asyryldy, onda derekterdi statıstıkalyq taldaý protsesteri derekterdi engizip, modeldiń barabarlyǵyn tekserýge deıin bir júıege keltirilip, avtomattandyrylǵan. Ol úshin qandaı da bir banktiń 2010-2021 jyldar aralyǵyndaǵy kezeńde toqsandar boıynsha 50 makroekonomıkalyq kórsetkishiniń derekterin jáne 10 sımýlıatsııalyq derekterin statıstıkalyq óńdeý jáne taldaý úshin qajetti banktiń óziniń jáne basqadan alǵan fýnktsııalarynyń úlken jıyntyǵy paıdalanylady.
«AFR» paketinde paıdalanylatyn makroekonomıkalyq kórsetkishter boıynsha statıstıkalyq derekter jańa málimetterdiń jarııalanýyna qaraı jańartylyp otyrady. «AFR» paketi CRAN (The Comprehensive R Archive Network) resmı repozıtorııinde ornalastyryldy.
«Pakettiń kómegimen bankter túrli stsenarıılerdi kórsetip, olardyń jeke kórsetkishterge áleýetti áserin baǵalaı alady. Táýekelderdiń údeıýi jaǵdaıynda aldyn alý maqsatynda den qoıý úshin senimdi baǵanyń bolýy mańyzdy», - deıdi Agenttik tóraǵasynyń keńesshisi Tımýr Ábilqasymov. «Praktıkadaǵy qajettilikke, sondaı-aq paıdalanýshylardan túsken usynystarǵa qaraı bul Paketti únemi pysyqtap, jetildirip otyramyz».
AFR paketi Agenttiktiń zııatkerlik menshigi bolyp tabylady jáne ol usynymdyq sıpatta. «AFR» ekonometrıkalyq paketin Agenttik qyzmetkerleri Tımýr Ábilqasymov, Shyńǵys Shóneev jáne Alýa Mahmetova birlesken avtorlyqta ázirledi.
Baǵdarlamalyq ónim Agenttik júrgizetin qadaǵalap stress-testileýdi jetildirý sheńberinde ázirlengen bolatyn.
Barlyq qyzyǵýshylyq tanytqan tulǵalardan ózderiniń pikirleri men usynystaryn Agenttiktiń Strategııa jáne taldaý departamentine alua.makhmetova@finreg.kz mekenjaıyna jiberýdi suraıdy.
