Qarjy monıtorıngi: Jaqynyńyz qarjy pıramıdasyna tartylsa birden habarlasyńyz

NUR-SULTAN. QazAqparat – QR Qarjy monıtorıngi agenttiginiń Pavlodar oblysy boıynsha aýmaqtyq departamenti qarjy pıramıdasynyń belgileri bar «Antares Limited» ınvestıtsııalyq kompanııasyna qatysty qylmystyq isti tergeýde. Kompanııa qyzmetkerleri eldiń qarajatyn ınvestıtsııalar boıynsha trenıngter ótkizý arqyly tartyp otyrǵan, dep habarlaıdy QazAqparat QR Qarjy monıtorıngi agenttiginiń baspasóz qyzmetine silteme jaspap.

Baspasóz qyzmetiniń málimetterine qaraǵanda, trenıngke qatysýshylar qarjyny kompanııa qyzmetkeriniń «Kaspi Bank» kartochka shotyna aýdarǵan. Odan ári olar vırtýaldy aqsha aýdarylǵan elektrondyq paraqty ashýǵa múmkindik alǵan.

Bul qarajatqa kúnine salym somasynyń 1% kólemindegi ýáde etilgen paıdasy bar ınvestıtsııalyq paket satyp alyndy. Aqsha tek jańa salymshylarǵa paketter satý nemese qosymsha ınvestıtsııalyq paketter satyp alý arqyly shyǵarylyp otyrdy.

Sonymen qatar, jańa salymshyny tartqany úshin vırtýaldy aqshamen tólengen salym somasynyń 1-den 5%- na deıingi syıaqy qarastyrylǵan.

Qazirgi ýaqytta sotqa deıingi tergeý amaldary júrip jatyr.

«Qarjylyq monıtorıng agenttigi el turǵyndaryn osyndaı kúmándi jobalarǵa qatysýdan bas tartýǵa shaqyrady. Eger siz nemese sizdiń jaqyndaryńyz qarjy pıramıdasyna tartylǵan bolsa [phone] senim telefonyna habarlasýyńyzdy suraımyz.

Qarjy pıramıdalary jyl sońyna qaraı barlyq bonýstar men halyqtyń syıaqylaryn tartý úshin belsendiligin arttyra bastaıdy.

Kóbinese uıymdar qurylys jáne ártúrli bıznes-jobalarǵa, krıptovalıýtaǵa, sondaı-aq brokerlik kompanııalardyń aktsııalaryna ınvestıtsııalar túrinde qarajat tartýmen aınalysady.

Pıramıdalardyń kópshiligi ınternet-jobalar túrinde áreket etedi jáne saıttar men áleýmettik jeliler arqyly jumys isteıdi»-delingen QR Qarjy monıtorıngi agenttiginiń baspasóz qyzmeti taratqan habarlamada.