Qarjy monıtorıngi komıteti qylmystyq jolmen kelgen qarjyny jylystatýǵa qatysty zańdy túsindirdi
QR Prezıdenti búgin «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy .
Zańdy QR Qarjy mınıstrligi Qazaqstan Respýblıkasy Úkimetiniń zań jobalaý jumystarynyń josparyn iske asyrý sheńberinde múddeli memlekettik organdarmen birlesip ázirlegen.
Qujatty qabyldaýdyń maqsaty - qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl salasyndaǵy zańnamany Aqshany jylystatýǵa qarsy kúrestiń qarjylyq sharalaryn ázirleý tobynyń (FATF) halyqaralyq standarttaryna sáıkes keltirý; terrorıstik turǵydan osal obektilerdiń terrorızmge qarsy qorǵalýyn jetildirý», delingen habarlamada.
Zańnyń negizgi baǵyttary - birinshi klıentti tıisinshe tekserý, ishki baqylaý júrgizý jáne kúdikti operatsııa týraly habarlama jiberý sııaqty qarjy monıtorıngi rásimderine ózgerister engizildi.
Ekinshi, Qarjy monıtorıngi komıtetine retteýshi memlekettik organy joq qarjy monıtorıngi sýbektilerine (qarjy monıtorınginiń 5 sýbektisi:
1) táýelsiz zań konsýltanttary; 2) lıtsenzııasyz lızıng berýshiler;
3) býhgalterlik uıymdar; 4) rıeltorlar; 5) baǵaly metaldardy, tastardy jáne zergerlik buıymdardy ótkizýshiler) qatysty ákimshilik quqyq buzýshylyq týraly hattamalar jasaý boıynsha ókilettikter berildi.
Úshinshi, Qarjy monıtorıngi komıtetiniń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl salasyndaǵy, onyń ishinde qylmystyq aktıvterdi izdestirý jáne qaıtarý boıynsha halyqaralyq ózara is-qımyl rásimderi reglamentteldi.
Tórtinshi, halyqaralyq standarttardy iske asyrý úshin zańǵa kommertsııalyq emes sektordy terrorızmdi qarjylandyrý maqsatynda paıdalanýdan qorǵaýǵa baılanysty novellalar engizildi (talaptar erikti qarjylyq jáne basqa da qaıyrmaldyqtarǵa júginetin qaıyrymdylyq uıymdary men dinı birlestikterge qoldanylady).
Besinshi, ulttyq zańnamaǵa BUU Qaýipsizdik keńesiniń qararlaryna sáıkes terrorızmdi qarjylandyrýǵa jáne jappaı qyryp-joıý qarýyn taratýdy qarjylandyrýǵa qatysty maqsatty qarjy sanktsııalarynyń tetikteri ımplementatsııalandy.
Altynshy, zańda salalyq tásil arqyly terrorıstik turǵydan osal obektilerdiń (ÝTO) terrorızmge qarsy qorǵalýynyń tıimdiligin arttyrýǵa baǵyttalǵan túzetýler kózdeldi.
Komıtettiń málimdeýinshe, zań normalary aldyn-alý sıpatyna ıe jáne ulttyq qarjy júıesiniń qaýipsizdigin arttyrýǵa, kásipkerlik sýbektileri men kommertsııalyq emes uıymdardy aqshany jylystatý men terrorızmdi qarjylandyrý maqsatynda paıdalanýdan qorǵaýǵa baǵyttaldy.
