Qarjy mınıstrliginde UOS ardagerlerine qurmet kórsetildi
El óńirlerinen kelgen ardagerlerdiń saltanatty keshi Astana qalasynyń halyqaralyq áýejaıynan bastaldy, olardy Uly Jeńis mereıtoıynyń qarsańyndaǵy áskerı ándermen, jyly qurmetteý sózderimen jáne quttyqtaýlarmen qarsy aldy.
Qarjy mınıstri Baqyt Sultanov óz sózinde: «Eki merekeniń - Otan qorǵaýshylar kúni men Jeńis kúniniń birinen soń biri qatar keletini Uly Otan soǵysyna qatysqan jeńimpazdardyń áskerı dástúrleriniń jáne Otanymyzdy qazirgi qorǵaýshylar erlikteriniń sabaqtastyǵy týraly kýálandyrady. Qazaqstannyń ataqty uldary men qyzdary basqa respýblıkalar ókilderimen qatar qaharly jaýdy talqandaýǵa qatysty. Bizdiń ardagerlerimizdiń keremet erligi, tabandylyǵy, qaısarlylyǵy, qajymas qaıraty jáne ómirlik kúshi barlyq aldaǵy urpaqqa úlgi bolyp qalady»,-dep atap ótti.
Soǵys jyldarynyń atrıbýttary sahnany bezendirip jiberdi, al soǵystyń qujattamalyq kadrlary Uly Otan soǵysyndaǵy Jeńistiń elimizge qandaı qıynshylyqtarmen, qurbandyqtarmen jáne joǵaltýlarmen túskenin eske saldy.
Sahnada barlyǵyna tanymal áskerı ánder aıtyldy, olarda sol jyldarǵy azamattardyń Otanǵa degen súıispenshiligi, soldattardyń kórsetken jaýyngerligi men ójettigi týraly aıtylady.
Merekelik kontserttiń sońynda UOS-tyń ardagerlerine estelik syılyqtar jáne gúlder berildi, sondaı-aq áskerı palatkada uıymdastyrylǵan soldat botqasy taratyldy, dep habarlaıdy QR Qarjy mınıstrliginiń baspasóz qyzmeti.
