Qarjy mınıstrliginde qyzmet kórsetý sapasyn arttyrý qalaı júredi

NUR-SULTAN. QazAqparat – QR Qarjy mınıstrliginiń alqa májilisinde vedomstvo basshysy Erulan Jamaýbaev salany ary qaraı tsıfrlandyrý jospary týraly aıtty, dep habarlaıdy QazAqparat tilshisi.

Onyń aıtýynsha, Biriktirilgen málimetter bazasy men salyqtyq ákimshilendirý júıesin jańǵyrtý júrgiziledi.

«Bul óz kezeginde biryńǵaı málimetter bazasynda memlekettik organdardan ózekti derekterdi alýdy avtomattandyrýǵa jáne memlekettik qyzmetti kórsetý sapasyn arttyrýǵa múmkindik beredi», - dedi mınıstr.

E. Jamaýbaevtyń sózine qaraǵanda, QQS-ti ákimshilendirýde blokcheın tehnologııasyn engizý josparlanyp otyr. Osy oraıda bul qadam salyq tóleýden jaltarý táýekelin tómendetedi dep eskerilgen.

«EYDU elderimen málimetter almasý turǵysynda ekonomıkanyń ofshorlanýyna qarsy qadamdar boıynsha jumystar jandanady. Bıyl 102 ıýrısdıktsııada ashylǵan bizdiń rezıdentterdiń shottary týraly alǵashqy aqparatty alý josparlanyp otyr», - dedi mınıstr.

Budan buryn habarlanǵandaı, QR Qarjy mınıstri Erulan Jamaýbaev «kóleńkeli» ekonomıka deńgeıin tómendetý jumystary jaıynda baıandady.