Qarjy mınıstrligi jyl sońyna deıin eksport boıynsha elektrondyq deklaratsııa engizbekshi
«Sonymen qatar, biz jyl sońyna deıin ilki joba retinde ımporttyq deklaratsııany da iske qosa bastaımyz. Eger júıe jumysy durys jolǵa tússe, onda keler jyldyń ortasyna taman ımporttyń barlyǵy tolyqtaı elektrondyq deklaratsııaǵa ótpek. Budan bólek, keler jyldyń ortasyna qaraı aldyn ala deklaratsııalaýdy da tolyqtaı júzege asyra bastaımyz. Qazirdiń ózinde «elektrondyq ruqsat berý» jáne «elektrondy lıtsenzııalaý» júıesine qosylyp otyrmyz. Sondyqtan da, Biryńǵaı ekonomıkalyq keńistikke qatysýshylar arasynda kedendik alyp ótýlerde burynǵydaı kóp qujattar talap etilmeıtin bolady», - deıdi Bolat Jámishev.
Onyń aıtýynsha, aldaǵy ýaqytta ulttyq kedendik zańnamalarǵa da ózgerister engizý kózdelip otyr. Ondaı ózgerister Keden odaǵy aıasyndaǵy kodekske esh qaıshy kelmeıdi.
