Qarjy mınıstrligi tapsyrys berýshiler men jetkizýshiler tizilimin júrgizedi

NUR-SULTAN. QazAqparat - QR Qarjy mınıstrligine tapsyrys berýshiler men jetkizýshiler tizilimin júrgizý quzireti beriledi. Bul týraly búgin Májiliste «Memlekettik satyp alý máseleleri boıynsha keıbir zańnamalyq aktilerine tolyqtyrýlar men ózgerister engizý týraly» zań jobasynyń tanystyrylymynda QR Qarjy vıtse-mınıstri Rýslan Beketaev aıtty, dep habarlaıdy QazAqparat tilshisi.

«Buzýshylyqtardyń aldyn alý jáne jol bermeý maqsatynda Qarjy mınıstrliginiń tapsyrys berýshiler men jetkizýshiler tizilimin júrgizý jónindegi quzyreti engiziledi, olar bir kózden shart jasasýǵa quqyly. Bul tapsyrys berýshiler Zańnyń 39-baby 3-tarmaǵy aıasynda bir kózden alý tásilimen shartty tikeleı jasasý úshin negizderdi negizsiz tańdaıtynyna baılanysty», - dedi ol.

Mysaly, vıtse-mınıstrdiń dereginshe, tabıǵı monopolııalar sýbektilerinen kórsetiletin qyzmetterdi satyp alýǵa arnalǵan Zańnyń 39-baby 3-tarmaǵynyń 1) tarmaqshasy aıasynda tapsyrys berýshiler keńse taýarlaryn, jýǵysh quraldardy, qurylys materıaldaryn, baılanys jáne ınternet qyzmetterin satyp alady. Osyǵan uqsas faktiler bir kózden satyp alý týraly shart jasasý aıasynda anyqtaldy.

«Osylaısha, bir kózden shart jasasýǵa quqyly tapsyrys berýshiler men jetkizýshilerdiń naqty tizilimin belgileý birinshi kezekte bir kózden satyp alý úlesin tómendetýge, sondaı-aq básekelestik ortany arttyrýǵa yqpal etýge múmkindik beredi», - dedi Rýslan Beketaev.