Qarjy mınıstrligi shet eldegi qazaqstandyq stýdentterge eskertý jasady

ASTANA. QazAqparat - Qarjy mınıstrligi sheteldegi qazaqstandyq stýdentterge salyq deklaratsııalaryn berý máselesinde qulaqqaǵys jasady, dep habarlaıdy «QazAqparat» HAA.

«QR Salyq kodeksiniń talaptaryna sáıkes, salyq tóleýshi rezıdentter - Qazaqstan Respýblıkasynyń azamattary, oralmandar jáne Qazaqstan Respýblıkasynda turaqty turýǵa yqtııarhaty bar tulǵalar esepti salyq jylynyń 31 jeltoqsanyna deıin Qazaqstan Respýblıkasynan tysqary sheteldik bankterdegi esepshottarynda aqshasy bar bolsa jeke tabys salyǵy týraly deklaratsııa tapsyrýy tıis.

Biraq salyq deklaratsııasy tek QR aýmaǵynan tystaǵy sheteldik bankterde ashylǵan esepshottaǵy soma eń tómengi jalaqydan (2017 jyly 24 459 teńge) 12 ese kóp bolǵanda ǵana tapsyrylady», - delingen habarlamada.

Shet elde oqyp júrgen qazaqstandyq stýdentter, sheteldik bankterde ashylǵan olardyń esepshotyndaǵy soma eń tómengi jalaqydan 12 ese kóp (293 508 teńge) bolǵan jaǵdaıda, deklaratsııa tapsyrady.

Aıta keteıik, esepshottaǵy aqsha QR Ulttyq bankiniń resmı baǵamy boıynsha esepteledi.