Qarjy mınıstrligi memlekettik satyp alýlarda konkýrstyń jańa túrin usynbaqshy
ASTANA. QazAqparat - Búgin Májiliste Ekonomıkalyq reforma jáne óńirlik damý komıtetiniń keńeıtilgen otyrysy ótip, onda ulttyq kompanııalardyń jáne kvazımemlekettik sektordaǵy kásiporyndardyń satyp alý júıesinde otandyq taýar óndirýshilerdi qorǵaý máseleleri talqylandy.
Jıyn barysynda belgili bolǵanyndaı, QR Qarjy mınıstrligi taýarlardy, jumystar men qyzmetterdi memlekettik satyp alýdyń jańa túrin engizýdi usynbaqshy. Osy maqsatta vedomstvo arnaıy zań jobasyn ázirleýge de kirisken tárizdi. Máselen, Qarjy vıtse-mınıstri Berik Sholpanqulovtyń aıtýynsha, zań jobasymen taýarlardy, jumystar men qyzmetterdi memlekettik satyp alý konkýrstaryn eki kezeńmen ótkizý usynylady. Onyń birinshi kezeńinde Ulttyq kásipkerler palatasy taýarlar, jumystar men qyzmetterdiń árbir túri boıynsha bilikti yqtımal jetkizýshilerdiń tizimin qalyptastyratyn bolady. Al ekinshi kezeń tapsyrys berýshiniń komıssııasymen júzege aspaq. Oǵan komıssııa konkýrsqa qatysýǵa nıetti bilikti jetkizýshilerdi shaqyryp, eń ozyq tehnıkalyq spetsıfıkany tańdaıdy, oǵan baǵalardy belgileý týraly usynym jasaı alady.
«Mundaı jańashyldyqtardy engizý nátıjesinde meml e kettik satyp alýlar boıynsha konkýrstar ótkizý merzimi 10 kúnge deıin qysqarady. Kásipkerlik sýbektilerin tejeý jumystary da tómendeıdi. Budan bólek, konkýrstyń osy túrin BUU Halyqaralyq saýda quqyǵy jónindegi Komıssııasy - ıÝNISTRAL-dyń tıptik jańa zańy retinde usynylyp otyr», - delingen Qarjy mınıstrliginiń usynǵan málimetterinde.
