Qarjy mınıstrligi kedendik ákimshileýdiń jańa ustanymdaryn engizbek
Bul týraly búgin Úkimet otyrysynda atalǵan vedomstvonyń basshysy Bolat Jámishev málim etti.
Onyń atap ótýinshe, atalǵan jospar mańyzdy máselelerdi qamtıtyn 7 negizgi bloktan turady. Jospar kedendik tarıfterdi birizdendirýdi, kedendik ınfraqurylymdardy damytýdy, elektrondy deklaratsııalaýdy engizýdi, elektrondy ruqsat berý men elektrondy lıtsenzııalaý júıelerin yqpaldastyrýdy, kásipker mártebesin tirkemeı-aq jeke tulǵalarǵa kommertsııalyq taýarlar partııasyn ótkizýdi yntalandyrýdy, ókiletti ekonomıkalyq operatorlar ınstıtýtyn jetildirýdi, Kedendik baqylaý komıtetinen fıskaldy ókilettikti Salyq komıtetine berýdi kózdeıdi.
«Basty jańalyq salyqtyq ákimshileýmen úlestire otyryp, kedendik ákimshileýdiń jańa prıntsıpterin engizý bolyp tabylady», - dedi B.Jámishev.
Onyń atap ótýinshe, keden organdarynan fıskaldy qyzmetterdi salyq organdaryna berý taýardy syrttan ákelýden bastap satýǵa deıingi ótpeli protsesti qamtamasyz etetin bolady.