Qarjy mınıstrligi blokcheın tehnologııasymen alǵashqy jobany tanystyrady

ASTANA. QazAqparat - Osy jyldyń tamyz aıynda Blockchain tehnologııasyn qoldaný arqyly jańa jobanyń tusaýkeseri ótedi. Bul týraly Májilistiń jalpy otyrysynda 2017 jylǵy respýblıkalyq bıýdjettiń atqarylýy týraly esep boıynsha baıandamasynda QR Qarjy mınıstri Baqyt Sultanov málim etti, dep habarlaıdy QazAqparat tilshisi.

«Salyq jáne keden salasynda ákimshilendirýdi jaqsartýda biraz jumystar atqaryldy. Máselen, keden baǵytynda ımport operatsııalarynyń ýaqytyn qysqartý úshin «Astana-1» jáne qanatqaqty rejimde taýarlardy tańbalaý aqparattyq júıeleri iske qosyldy. Jylda týyndaıtyn kelesi suraq qosylǵan qun salyǵyn jınaýǵa qatysty. Ózderińizge belgili, osy salyqty ákimshilendirýde 2014 jyldyń birinshi shildesinen bastap elektrondy shot-faktýra aqparattyq júıesi qoldanylýda. Aǵymdaǵy jyldyń birinshi qańtarynan bastap, osy júıe arqyly monıtorıngke jatatyn 300 iri salyq tóleýshiler shot-faktýralaryn elektrondy túrde jazýǵa mindetti. Bul júıe salyq organdary úshin qosylǵan qun salyǵyn qaıtarý kezinde baqylaý rásimderin ońtaılyndyrýǵa múmkindik beredi», - dedi mınıstr.

Sonymen qatar Baqyt Sultanov blokcheın tehnologııasyna qoldaný qadamdaryna toqtaldy.

«Osy jyldyń tamyz aıynda blokcheın tehnologııasyn qoldana otyryp, osy salyqtyń oryndalýynyń aıqyndyǵyn qamtamasyz etetin jobanyń tusaýkeserin ótkizgeli otyrmyz. Jobanyń máni - salyq tóleýshilerdiń qarjylyq-tranzaktsııalaryn onlaın túrde qadaǵalap, olarǵa salyqty ýaqytynda qaıtarý», - dedi vedomstvo basshysy.

Budan buryn habarlanǵandaı, QR Úkimetiniń otyrysynda elimizdiń Qarjy mınıstri Baqyt Sultanov Qazaqstanda «Blokcheın» tehnologııasyn qoldanyp, qosylǵan qun salyǵyn ákimshilendirýdiń jańa ádisterin engizý jumystary júrgizilip jatqanyn aıtqan bolatyn.