Qarjy mınıstrligi BQO departament basshysynyń jumystan ketýine túsinikteme berdi

ORAL. QazAqparat - Memlekettik kirister departamentiniń basshysy Janbolat Tileýlestiń qaramaǵyndaǵy qyzmetkerge qatysty sybaılas jemqorlyq isinen keıin óz erkimen jumystan bosatý týraly ótinishi qanaǵattandyryldy. Qarjy mınıstrligi laýazymdy tulǵanyń jumystan bosatylýyna baılanysty túsinikteme berdi, dep habarlaıdy QazAqparat tilshisi.

Buǵan deıin Janbolat Tileýles qol astyndaǵy qyzmetkerler sybaılas jemqorlyq daýyna ilikkennen keıin jumystan shyqqan bolatyn. Qarjy mınıstrligi Batys Qazaqstan oblysy boıynsha Memlekettik kirister departamentiniń basshysy bolǵan Janbolat Tileýlestiń 2021 jylǵy 14 qyrkúıekte Memlekettik kirister organdarynan óz qalaýy boıynsha jumystan ketkenin málim etti. Buǵan «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańynyń 9-baby 15) tarmaqshasy negiz bolǵan.

«Osyǵan baılanysty ózine senip tapsyrylǵan bólimshede sybaılas jemqorlyqqa qarsy is-qımyldyń bolmaý faktisi boıynsha onyń tártiptik jaýapkershiligin qaraý múmkin emes», - dep jazylǵan vedomstvonyń túsindirmesinde.

Aıta keteıik, Janbolat Tileýles bul jumystan bosatylǵanymen basqa memlekettik organdarda jumys isteı alady.