Qarjy mınıstrligi 2021 jyly qaı baǵyttarda jumys isteıdi

NUR-SULTAN. QazAqparat – Qarjy mınıstri Erulan Jamaýbaev vedomstvonyń 2021 jyldaǵy jumysynyń negizgi baǵyttaryn atady, dep habarlaıdy QazAqparat tilshisi.

«Bıyl mınıstrlik qyzmeti strategııalyq bastamalardy, Memleket basshysynyń tapsyrmalaryn jáne «Nur Otan» partııasy saıalaýaldy baǵdarlamasynyń is-sharalaryn júzege asyrýǵa baǵyttalady. Jalpy, josparlanǵan jumysty 5 negizgi blokqa toptastyrýǵa bolady», - dedi E. Jamaýbaev halyq aldynda esep berýi kezinde.

Osy oraıda mınıstr atalǵan bloktarǵa naqty toqtalyp ótti:

Birinshisi – bıýdjettiń teńgerimdiligin qamtamasyz etý men ońtaılandyrý.

Ekinshisi – salyq jáne keden ákimshilendirýin tsıfrlandyrý jáne «kóleńkeli» ekonomıka deńgeıin tómendetý.

Úshinshisi – memlekettik aktıvterdi basqarý tıimdiligin arttyrý.

Tórtinshisi – memlekettik satyp alýlardy ary qaraı jetildirý.

Besinshisi – memlekettik aýdıttiń sapasyn arttyrý.