Qarjy mınıstri Nazarbaev zııatkerlik mektepterin qarjylandyrý tártibi ózgeretinin aıtty

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev aldaǵy ýaqytta Nazarbaev zııatkerlik mektepteri men Nazarbaev ýnıversıteti shyǵyndaryn arnaıy endaýment-qor jabatynyn aıtty, dep habarlaıdy QazAqparat tilshisi.

«Jyl saıyn respýblıkalyq bıýdjetten Nazarbaev zııatkerlik mektepteri men Nazarbaev ýnıversıtetin qarjylandyrý azaıyp keledi. Osy oraıda, arnaıy endaýment-qor qurý qarastyrlǵan jáne osy turǵyda qarjylandyrý iske asyrylady. Jusan Bank atalǵan bilim berý mekemelerin tikeleı qarjylandyrýy tıis degen tujyrym múlde durys emes. Birinshiden, Jusan Bank basqa da ekinshi deńgeıli bankter sııaqty kommertsııalyq baǵytta qyzmet etedi. ıAǵnı, halyqtyń qarajatyn tartady, óziniń kapıtalyn qurady, ekonomıkaǵa nesıe bóledi. Óziniń tabysy esebinen aktsıonerler dıvıdentteri ósedi. Al aktsıonerler óz qarajatyn endaýment-qor aıasynda Nazarbaev zııatkerlik mektepterine baǵyttaı alady. Sondyqtan Jusan Bank-ten tikeleı qarjylandyrý bolmaýy kerek», - dedi Erulan Jamaýbaev Senatta tilshiler suraǵyna jaýap bere otyryp.

Sonymen qatar ol qazirgi kezde atalǵan naryqta turaqty jumys istep jatqanyn aıtty.

«Atalǵan oqý oryndaryna bólingen qarajattyń basym bóligi respýblıkalyq bıýdjet esebinen qarastyrylyp keldi. Bolashaqta oqý oryndarynyń shyǵyndaryn tolyqtaı atalǵan qor jabatyn bolady», - dedi mınıstr.