Qarjy mınıstri memlekettik satyp alýlarǵa júrgizilgen kameraldyq baqylaý nátıjesin jarııalady

NUR-SULTAN. QazAqparat – Jyl basynan beri jalpy somasy 6,5 trln teńgelik 952 myń memlekettik satyp alý protsedýralary kameraldyq baqylaýmen qamtylǵan, dep habarlaıdy QazAqparat tilshisi.

«Tekserý qorytyndysy boıynsha 535 mlrd teńgege buzýshylyqtardyń aldy alyndy. 746 aýdıtorlyq is-shara júrgizildi. Aýdıtpen bıýdjet qarajatynyń 494 mlrd teńgesi qamtyldy. Nátıjesinde 101 mlrd teńgege qarjylyq buzýshylyqtar anyqtaldy», - dedi Qarjy mınıstri Erulan Jamaýbaev Úkimet otyrysynda.

Mınıstrdiń aıtýynsha taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, bıýdjetke óteý jáne esep boıynsha kórsetý jolymen 94 mlrd teńgeniń kemshiligi joıylǵan.

«Júrgizilgen aýdıtorlyq sharalardyń nátıjeleri boıynsha aýdıt obektileriniń qyzmetterin jetildirýge 675 usynys berildi. Olardyń 548-i oryndaldy», - dedi ol.