Qarjy mınıstri: Qazaqstandyqtar buryndary jasyryp kelgen múlikterin jarııa etý múmkindigine ıe bolady
ASTANA. QazAqparat - Qazaqstandyqtar buryndary jasyryp kelgen múlikterin jarııa etý múmkindigine ıe bolady, dep málimdedi búgin QR Premer-Mınıstriniń orynbasary - qarjy mınıstri Baqyt Sultanov «Zańdastyrý-2014» memlekettik baǵdarlamasy máselelerine arnalǵan telekópirdiń tikeleı efırinde.
«Búgingi naýqannyń buǵan deıingi sharalardan bir ereksheligi aktsııada bank shottaryndaǵy qarjyny kórsetý ǵana kózdeledi jáne aktsııada bıýdjetke 10 paıyzdyq tólemdi aýdarý arqyly múlik pen aqsha jarııa etildi. Bul qarajatty ekonomıkaǵa tartý mindetti emes edi. Búgingi naýqanda zańdastyrylǵan múlik tabys bolyp tabylmaıdy, ıaǵnı salyq salynbaıdy. Biraq bul qarajattyń esepshotqa túsýi tıis», - dedi QR Premer-Mınıstriniń orynbasary - qarjy mınıstri Baqyt Sultanov telekópir barysynda.
Vedomstva basshysynyń aıtýynsha, zańdastyrý baǵdarlamasy jumys istemeı, jasyrylyp otyrǵan, kóleńkeli ekonomıkada júrgen múlik pen aqshany ekonomıkaǵa tartýdy kózdep otyr.
«Júrgizilip jatqan naýqannyń kapıtaldy zańdastyrý boıynsha ótken aıda qabyldanǵan zańǵa sáıkes júrgiziledi. Bul zań jobasyn elimizdiń úkimeti qysqa merzim ishinde Elbasynyń tapsyrmasyn oryndaý maqsatynda daıyndap, parlamentke engizdi. Bıyl Ulttyq ınvestorlar keńesinde Elbasy elimizdiń 2050 jylǵa deıingi damý strategııasyn iske asyrý maqsatynda syrtqy ınvestorlarǵa jańa múmkinshilik berý tapsyrmasyn bergen edi. Ol úshin jaqynda jańa zań qabyldandy. Ol jańa ınvestıtsııalyq preferentsııalardy kózdeıdi. Osy maqsatta Ulttyq qordan 1 trln teńgeni biz ekonomıkaǵa quıyp jatyrmyz», - dedi B.Sultanov.
«Eń birinshi kózdeıtin maqsaty - ekonomıkaǵa syrtqy rezervterdi tartý. Ekinshiden, halyq qazirgi tańda jumys istemep otyrǵan múlikti zańdastyra otyryp úlken múmkindikterge ıe bolady. Sebebi, múlik jasyrylmaı, aınalymǵa kirgennen keıin jańa tabystardy alyp keledi», - dedi.
Onyń aıtýynsha, halyqaralyq jáne Qazaqstannyń óziniń nátıjeli tájirıbesin qoldana otyryp 1,5 jylda el ekonomıkasyna jańa túsimder kelip túspek, dep jazady strategy2050.kz saıty.
