Qarjy mınıstri qarajatty naqty ekonomıkaǵa tez jetkizýdiń joldaryn atady
«Shyǵystar jaǵynan kóterilgen máselelerge toqtalsaq, shyǵystar 98,3 paıyzǵa atqarylyp, 1 trln.338 mlrd. teńgege ósýimen ıgerildi. Búkil shyǵystardyń jartysynan astamy, ıaǵnı 4 trln.teńge áleýmettik salaǵa baǵyttaldy. 4 mln. 980 myń adamǵa bıýdjetten zeınetaqy men járdemaqy tólendi. Bıýdjet qarajatynyń ıgerilýin qadaǵalaýda jańa tetik, ıaǵnı kameraldyq baqylaý engizildi. Ótken jyly memlekettik satyp alýda 13,7 mlrd. teńgege buzýshylyqtar anyqtaldy. Ony tekserý nysandary der kezinde ózderi túzetti. Buzýshylyqtardy tómendetý úshin bıýdjettiń atqarylýy kezinde preventıvtik sharalardy qoldanýdy kúsheıtemiz. Bıýdjet qarajatynyń tıimdiligin arttyrý, ıgerilmeý men buzýshylyqtardyń somasyn azaıtý - bıýdjet zańnamasyn jetildirý jumysynyń basty maqsattary»,-dedi Qarjy mınıstri.
Onyń sózine qaraǵanda, bıýdjet zańnamasyna tıisti baǵyttar boıynsha ózgerister engiziledi. Birinshiden, bıýdjet protsesindegi ákimshilik kedergilerdi azaıtý. Bul baǵytta memlekettik organdardyń bıýdjet qarajatyn ıgerýde bıýdjettik baǵdarlamanyń sheńberinde qarajatty qaıta bólý derbestikteri keńeıedi. Osy oraıda ákimshiler men jergilikti atqarýshy organdardyń jaýapkershiligi de kúsheıtiletin bolady. Ekinshiden, memlekettik organ bıýdjet qarajatyn ıgere almaıtyn jaǵdaıda ol basqa ákimshilikke Úkimet sheshimimen qaıta bólinedi.
«Úshinshiden, kvazımemlekettik sektordyń shottarynda jatqan qarajattardy qoldanýdy reglamentteý. Ol, qaldyqtardy bıýdjet kirisine qaıtarý nemese osy sýbektilerdiń basqa ınvestıtsııalyq jobalaryn qarjylandyrýǵa ruqsat berý arqyly sheshimin tabady.
Josparlaý kezinde qarjy-ekonomıkalyq negizdemede kórsetilgen somanyń bárin birden bermeı, kezeń-kezeńimen qarastyramyz. Tórtinshiden, bıýdjettik ınvestıtsııalyq jobalardy iske asyrýǵa jeke ınvestorlardy tartý úshin memlekettik-jekemenshik áriptestik jobalaryn josparlaý rásimderi ońtaılandyrylady.
Besinshiden, nysanaly damý transfertteri boıynsha nátıjeler týraly kelisim alynyp tastalady. Biraq olardy paıdalanýda qol jetkizilgen tikeleı jáne túpkilikti nátıjeler týraly esepti engizý qarastyryldy.Osy aıtqan sharalardyń nátıjesinde qarajattyń naqty ekonomıkaǵa tez jetýine jaǵdaı jasalady»,-dep atap ótti Baqyt Sultanov.