Qarjy mınıstri: Investıtsııalamasaq, zeınetaqy jınaǵyn ınflıatsııa «jep» qoıady

ASTANA. QazAqparat - QR Qarjy mınıstri Álıhan Smaıylov «Saryarqa» gaz jelisiniń qurylysyna nelikten Biryńǵaı jınaqtaýshy zeınetaqy qorynan qarajat bólinetinin túsindirdi, dep habarlaıdy QazAqparat tilshisi.

«Gaz jelisiniń qurylysyna «Samuryq-Qazynadan», «Báıterekten» qarajat bólingeli otyr. Sonymen qatar, oǵan Eýrazııalyq damý banki men Qazaqstannyń damý bankinen zaım tartylady (...) BJZQ-dan barlyq aqsha tek naryqtyq negizde, naryqtyq stavka boıynsha bólinetinin atap ótkim keledi. Naryqtyq stavka - 12 paıyz. Bul - BJZQ-daǵy aqsha ınvestıtsııalyq kiris ákelýi úshin jasalyp otyrǵan qadam. Eger ony eshqaıda ınvestıtsııalamasaq, onda ol aqshany ınflıatsııa «jep» qoıady», - dedi Úkimetten keıin tilshilerdiń suraǵyna jaýap bergen Álıhan Smaıylov.

Aıta ketsek, budan buryn Úkimet otyrysynda Energetıka vıtse-mınıstri Mahambet Dosmuhambetov magıstraldy gaz jelisi qurylysynyń alǵashqy kezeńine 267 mlrd teńge jumsalatynyn, sonyń ishinde 102 mlrd teńge bankterden qaryz retinde alynatynyn, 85 mlrd teńge - BJZQ zeınetaqy aktıviniń ınvestıtsııasy ekenin atap ótken edi.

«Saryarqa»  magıstraldy gaz jelisin qazir jumys istep turǵan Qyzylorda oblysyndaǵy «Beıneý-Bozoı-Shymkent» gaz jelisine qosý kózdelgen.