Qarjy mınıstri Elbasynyń krıptovalıýta qurý týraly usynysyna qatysty pikir bildirdi

ASTANA. QazAqparat - Qazaqstan Respýblıkasynyń qarjy mınıstri Baqyt Sultanov halyqqa esep berý kezdesýinde Nursultan Nazarbaevtyń halyqaralyq krıptovalıýta qurý týraly usynysyna qatysty oıyn aıtty, dep habarlaıdy «QazAqparat» HAA tilshisi.

«Halyqaralyq krıptovalıýta qurý týraly másele, árıne, óte kúrdeli jumys. Bul jumys eń aldymen ár eldiń qarjylyq júıelerine óte myǵym túrde seriktese jumys atqarýdy talap etedi. Máselen, EAEO elderi aıasynda qarjyny úılestirý jóninde suraq kóterilip júrgenimen, bul úshin óte úlken daıyndyq kerek. Memleket basshysy atap ótkendeı, álemdik dárejede krıptovalıýta qurýdyń negizi  halyqaralyq qarjylyq júıeniń turaqtylyǵynda. Ókinishke qaraı, 2008 jyldan beri daǵdarystyń birneshe tolqynyn ótkerip kelemiz. Bul jaǵdaıǵa qarjylyq júıeniń minsiz bolmaýy sebep bolyp turǵany belgili. Krıptovalıýta qurý týraly bastama jıi ózine nazar aýdartyp otyr,  deıdi Baqyt Sultanov.

Sonymen qatar, mınıstr óz sózinde bul suraq óte úlken talqylaýdy qajet etetinin atap ótti.

«Qazaqstan munaı táýeldiliginen qutylǵysy kelip otyr. Munaı baǵasynyń turaqsyzdyǵy bizdiń jáne kórshiles eldiń valıýtalaryna qalaı áser etip jatqanyn kórip otyrsyzdar. Ekonomıkanyń turaqty ósimin mindettegen tapsyrmalardy esepke alsaq, mundaı valıýtalardyń qurylýy turaqty ári senimdi ósimge qosymsha qyzmet etý múmkin», - dedi qarjy mınıstri.

Aıta keteıik, Astanada QR Qarjy mınıstri Baqyt Sultanovtyń halyq aldynda esep berý kezdesýi ótip jatyr. Onda mınıstr 2016 jyly atqarylǵan jumystardy qorytyndylap, onlaın júıede óńir turǵyndarynyń suraqtaryna jaýap berýde.